Tradizioari jarraituz, giro ezin hobea izan zen aurten ere Santa Lutzi egunean. Asteazkena izanik eta hotza medio lehenengo orduetan bisitariak poliki poliki agertu ziren, baina eguerdierako dena lepo zegoen eta euriak atsedena hartu zuen feriaren mesederako. Ederrena frontoia ere bete egin zen goiz eta arratsaldean. Argazki rallyan ere parta hartze polita izan zen: 38 heldu eta 14 gaztetxo eta haur. Honen emaitza abenduaren 22ko sari banaketan jakingo dugu.

2017ko Santa Lutzi Feriaren xehetasun guztiak hemen aurkituko dituzue. Erdi arotik datorkigun feria erabat gaurkotuta dator Urretxu eta Zumarragaren arteko lankidetza medio.

Urtarrilaren 1etik aurrera 2018. urterako Kirol Txartela berritzeko prozedura jarriko da martxan, eta  Kirol Txartela  ateratzera eta ematen dizkizun abantaila guztiez gozatzera animatzen zaitugu.

Datorren abenduaren 19an herritarrei zuzendutako “Gipuzkoa Argitu” tailera egingo da Urretxuko KZGunean.

Urretxun egingo den tailerrak norberak bere kontsumo datuak ezagutzea du helburu (zenbat kontsumitu duen edo noiz izan duen kontsumo mailarik altuena). Ezagutza horren bitartez kontsumo hori murriztu ahalko du, aplikatzen zaigun tarifa egokituz eta kontratatuta duen potentzia egokia den edo ez ikusiz.

Gaurko elurtea eta biharko eguraldi iragarpena ikusi ondoren, Urretxuko Udalak bihar goizean Gernikako Arbola plazan ospatzekoa zen Trapera merkatu soziala bertan behera uztea erabaki du.

Abenduaren 3an  Euskararen Nazioarteko Eguna dela eta, Urretxu eta Zumarragako VII. Mintzodromoa egingo da abenduaren 2an, larunbata, bi udalek udal euskaltegiaren laguntzaz antolatuta.

Urteroko moduan Urretxu eta Zumarragako udalek haurrentzako Gabonetako Lehiaketak antolatu dituzte. Lanak abenduaren 1a bitartean aurkeztu daitezke. Sari banaketa, abenduaren 22an izango da. Hona hemen informazio guztia.

Aurten ere oso giro onean ospatu zen San Martin Jaia. Musika, dantza, jolasak, odolki dastaketa... Eta ospakizunen barruan, urteroko moduan, 2 urdaiazpikoen zozketa egin zen.

Hauek izan ziren zenbaki irabazleak: 656 eta 720. ZORIONAK!

Urretxuko Udalak bat egiten du azaroaren 18tik 26ra ospatuko den Hondakinak Prebenitzeko Europako Astearekin eta horretarako 3.400 ale inprimatu ditu hondakinak ondo sailkatzeko hiztegiarenak. Hiztegi hau Urretxuko Udalaren web orrian ere aurkitu daiteke.

Duela urtebete ordezkatu zen edukiontzi berdea grisarengatik eta Urretxuko Udalak urtean zehar lortu den bataz besteko gaikako hondakin bilketa kopurua hobetu nahi du hiztegi honen banaketarekin.