+65 Foroa, 65 urte baino gehiagoko pertsonen ordezkaritza organoa da, eta haien ongizatea lortzeko politika eta jardueren plangintzan, exekuzioan eta jarraipenean parte hartzen du.

Saio hauetan, aniztasun teknikariaren dinamizazioaren bitartez, sentitzen diren iritzi, behar eta hausnarketak mahai gainean jartzeko espazioa da foroa: Zure herrian nola zahartu nahi duzun hausnartu, eztabaidatu eta erabakitzeko aukera.

Bilerak hilaren azken aurreko ostegunetan izango dira, 17:00etan, Aizpuru-Enea kultur etxean.

Adinkide, udalerri bereko belaunaldi ezberdinen arteko adiskidetasun eta auzo sareak sortzeko lan egiten duen erakundea da. Helburu nagusia, gure bizitzan zehar jasan dezakegun nahi gabeko bakardadea arintzea eta prebenitzea da, izan ere, hau, hirugarren adinean larriagotu egin daiteke. Horretarako, hainbat programa gauzatzen dira, alde batetik, akonpainamendu afektiboa, non bi pertsona aurkezten diren, adineko bat eta boluntario  bat, loturak ehundu ahal izateko, eta astean behin geratzen dira hitz egiteko, paseo bat emateko, etab. Bestalde, sozializazio programa bat gauzatzen da, non gure proiektuetan parte hartzen duten pertsona guztiak elkartzen ditugun elkarren artean sareak sor ditzaten, eta hainbat jarduera egin, hala nola meriendak, telefono mugikorra erabiltzeko tailerrak, kultur jarduerak, jaiak, etab.

 

Zure lagun sarea ireki eta jende berria ezagutu nahi baduzu, gure programetan parte hartuz, jarri harremanetan Urretxuko arduradunarekin 607602461 telefonora deituz edo urretxu@adinkide.org helbidera idatziz.

1978an Aterpe Jubilatu Elkartea sortu zen.
65 urte edo gehiago dituzten pertsonen ongizatea eta osasuna sustatzeko aisialdirako jarduerak, topaketak zein jai-ospakizun-, kultur eta gastronomia-ekitaldiak antolatzen dituzte.