Iparragirre
Jose Mari Iparragirre Balerdi 1820ko abuztuaren 12an jaio zen, Alzola etxean, kale Nagusian, beraz, gaur egungo Iparragirre 8an. Eliza eta udaletxearen artean dagoen Iparragirre plazan Francisco Font y Pons eskultoreak koblakariaren omenez 1890ean egindako estatua dago, erakundeen eta herritarren ekimenez sortua. Herriko kanposantuan kokatua Iparragirreren mausoleoa dugu, herriaren enkarguz, Iparragirreren heriotzaren 100. urteurrena oroitzeko, Jose Vicente Lasa urretxuarrak egina
Jose Maria Iparragirre Wikipedia(e)tik
Ainhoa Arozamena Ayala: «Jose Maria Iparraguirre Balerdi», Auñamendi Eusko Entziklopedia
Iparragirreren erretratua
Udaletxeko areto nagusian ikus daiteke Antonio Maria Lekuonak 1878an egina, hain zuzen ere Ameriketan hemezortzi urte egin eta Euskal Herrira itzuli zenean. Gure koblakari ospetsuak aipatutako erretratua bere jaioterriari oparitzeko baldintza jarri zuen.
Iparragirre plaza eta estatua
Herriko plaza, Iparragirre plaza, bi gertaeren ondorio dugu. 1658an izandako sute baten ondorioz, hainbat eraikin bota beharra izan zen eta horiek utzitako orubean herriko plaza egin zen, Iparragirre plaza. Enparantza honetan Francisco Font y Pons eskultoreak koblakariaren omenez egindako estatua inauguratu zuten 1890eko irailean. Herri-erakundeei esker, eta aldi berean Euskal Herrian, La Habanan eta Buenos Airesen (batez ere azken horretan) bildutako diruarekin ordaindu zen estatua.
Iparragirreren mausoleoa
"Askatasun egarria" izeneko mausoleoa hilerrian dago. Jose Vicente Lasa urretxuarrak egin zuen, eta 1981eko apirilaren 5ean inauguratu zen, Iparragirreren heriotzaren mendeurrenean. Trikuharri itxura du, garai bateko hilobiratze modua irudikatuz. Zazpi zutoinen gainean jarria, euskal herrialdeetako armarrietan oinarrituta dago.
Iparragirrenren jaiotetxea
Iparragirre kaleko 8. Joan zen mende amaieran aldatu zuten izena Urretxuko kale gehientsuenek. Lehen Kale Nagusia zenean jaio zen Joxe Mari Iparragirre Balerdi, eta bera izan zenez herriari ospe haundiena eman zion urretxuarra, haren izena jarri zitzaion kaleari.
Bisita gidatuak, informazio eta erreserbak:
Tel. 943 722042
turismobulegoa@urolagaraia.com
turismobulegoa@urolagaraia.com
QR kode irakurlea deskargatu edo zure telefonoko kamerarekin irakurri
Mapako zenbakien ordena jarraitu
Aurikularrak erabili
San Martin de Tours eliza bisitatu
"Ibilbide gorria" ere egin
3 museoen bisita "3 herri bizitza bat"
QR kode irakurlea deskargatu edo zure telefonoko kamerarekin irakurri
Mapako zenbakien ordena jarraitu
Kontuz zebrabidetan
Aurikularrak erabili
