Urretxuko eta Zumarragako udaletako Euskara Sailek, Argazki-hizkiak lehiaketa antolatu dute lehen aldiz, herritarren argazkigintzarako zaletasuna eta hizkuntzaren erabilerarekin uztartzeko asmoz. Parte-hartzaileek argazki eta testu labur baten bidez Urretxuko eta Zumarragako udazkenaren izaera islatu beharko dute.

Izan ere, lehen edizio honen gaia “Udazkena Urretxu eta Zumarragan” izango da, eta parte-hartzaileek irudien eta hitzen bidez jaso beharko dute nola bizi duten urtaro berezi hau. Argazkia zein testua zeinahi estilotan aurkeztu ahal izango da. Testuak gehienez orri erdiko luzera izango du, euskaraz idatzita egon beharko da. Hitzak izan litezke narrazio, poesia, bertso, hausnarketa edo beste edozein genero literario.

Partaideen baldintzak eta sariak

Lehiaketan Urretxun edo Zumarragan bizi, ikasi edo lan egiten duten 16 urtetik gorako pertsona guztiek parte hartu ahal izango dute, banaka edo taldean. Lanak fisikoki aurkeztu behar dira, gutunazal batean sartuta. Barruan beste gutunazal txikiago bat gehitu beharko da parte-hartzailearen datuekin: izen-abizenak, telefono zenbakia, helbidea, helbide elektronikoa eta herria. Lanak aurkezteko azken eguna 2025eko azaroaren 21a izango da. Urretxuko Udaleko harreran edo Zumarragako Kultur Etxeko harreran aurkeztu beharko dira.

Lehiaketak hiru sari izango ditu: lehen saria, 150 eurokoa; bigarrena, 100 eurokoa; eta hirugarrena, 50 eurokoa. Sari guztiak Bitartean Merkatari Elkarteko dendetan erabiltzeko erosketa-bonuetan emango dira.

Epaimahaia eta sari banaketa ekitaldia

Epaimahaia argazkigintzan eta literaturan adituak diren pertsonek osatuko dute, eta baloratuko dira argazkiaren eta testuaren arteko elkarreragina, lanaren originaltasuna eta sormenaren kalitatea. Epaimahaiaren erabakia apelaezina izango da. Parte-hartzaileek beren lanen egile-eskubideak gordeko dituzte, baina antolatzaileei erabilera ez komertziala emango diete, erakusketetan edo komunikazio ekintzetan erabiltzeko. Lehiaketan parte hartzeak oinarri guztiak onartzea dakar, eta antolakuntzak aldaketak egiteko eskubidea izango du, beharrezkoa balitz.

Sariak azaroaren 29an, Zumarragako Zelai Arizti kultur etxean egingo den Mintzodromoan banatuko dira. Orduan jakinaraziko dira irabazleak, eta aurkeztutako lanez gozatzeko aukera ere izango da.

Bi berrikuntza izango ditu aurtengoak: batetik, parte hartzeko adina 18 urtera igo dute; bestetik, Gernikako Arbola Plazan izango da, Ederrena Pilotalekuan beharrean

Urola Garaiko Mankomunitateak kirol elkarteetan euskararen erabilera indartzeko esku-hartzeak aurkeztu ditu

Urretxuko eta Zumarragako Udaletako euskara sailek, Euskaraldiko egitarauaren barruan, mikro ipuin lehiaketa antolatu dute.

Urretxuko eta Zumarragako Euskara sailek udaberrirako antolatu dituzten ekintzen berri eman dute

Hitzaldi dibulgatiboak eta laburrak eskainiko dituzte Akizuk, Zuriarrainek eta Arrietak, Emakume Zientzialarien Nazioarteko Egunean

“Txoripan Zaleak” taldea (Oier Zestau, Julen Etxeberria eta Oinatz Burgos) izan zen irabazlea

Emanaldia martxoaren 15ean izango da, 19:00etan, Labeaga aretoan

Urretxuko eta Zumarragako Udaletako Euskara Sailek negurako antolatuko dituzken egitarauaren berri eman dute. Alex Gonzalez eta Josu Idigoras Euskara Batzordeburuek egitarau hau antolatzeko azaroan izan zen momentu parte-hartzailean herritarrek eta elkarteek erakutsitako prestutasuna eskertu dute.

Urretxuko Udalaren jardueran eta kudeaketan euskarak duen garapen-maila gorena aitortu dio Eusko Jaurlaritzako Hizkuntza Politikarako Sailburuordetzak

Urretxu-Zumarragako hiru ikastetxeetako LH1eko familia guztiek hartu dute parte “Euskararen kriseilua” proiektuan. Zelai Arizti antzokian izan zen azken ekitaldia

Urretxuko udaletxeko portaloian izango da, eta, hitz-aspertuaz gozatzeko aukeraz gainera, musikaz eta literaturaz gozatzeko aukera izango da herrietako gazteen eskutik