2030 AGENDA, ZER DA?
2030 Agenda 2015ean Nazio Batuetako estatu kideek aho batez garapen jasangarriaren alde onartutako dokumentua da.
Agenda honen helburua da mundu bidezkoagoa, ekologikoagoa, oparoagoa eta baketsuagoa lortzea, azken finean, benetako garapen jasangarri bat ematea. Horretarako, Agenda unibertsal honetan 17+1 helburu zehazten dira, Garapen Jasangarrirako Helburuak (GJH) izenekoak. Garapen Jasangarriko Helburu (GJH) horietako bakoitzak helburu eta mugarri zehatz batzuk ditu, ekonomia-, gizarte- eta ingurumen esparrukoak, baita bake eta aliantzak lantzen dituztenak ere.
2030 AGENDA URRETXUN
Urretxuko udalak urteak daramatza garapen jasangarria helburu duten plan eta estrategia desberdinak lantzen. Testuinguru horretan, 2015-2022 Urretxuko Iraunkortasunerako Ekintza Plana (Agenda 21) onartu zuen, zeinetan udalerri jasangarriago baten alde lan egiteko 8 ildo estrategiko eta 92 ekintza definitu ziren.
Agenda 21a bere indarraldiaren amaierara iritsita, Udalak 2030 Agenda eta GJHen aldeko apustua egin du, horretarako Urretxuk 2030 Agendari egiten dion ekarpena aztertu da eta URRETXU 2030 Ekintza Plana diseinatu da.
Urretxu 2030 Plana zenbakitan
16+1GJH
6 ILDO ESTRATEGIKO
21 PROGRAMA
88 EKINTZA
JARRAIPENA
URRETXU 2030 Plana, plan “bizia” izan dadin, eta benetan eraginkorra izan dadin, bere jarraipena egiteko mekanismoak eta prozedurak definitu dira, horren bidez, zehaztutako helburuen betetze-maila neurtu eta helburu berriak zehazteko. Jarraipen hori egiteko, beharrezkoa izango da pertsona guztien lankidetza eta konpromisoa, bai udal barruko teknikari eta politikariena, bai Urretxuko herritarrena ere. Jarraipena egiteko, ondoren adierazten den urteko kudeaketa zikloa aurreikusten da, non aipatutako eragile guztiek parte hartuko duten:
Urretxuk beraz, URRETXU 2030 planaren urteko kudeaketa egiten du:
Ekintza Planaren EBALUAZIOA: planaren ezarpen maila neurtzen da, hau da, urtean zehar garatu diren ekintzen azterketa bat egiten da, eta horrek lortutako hobekuntzen berri ematen du.
Iraunkortasun ADIERAZLEEN: kalkulua: Aginte koadroko adierazleen bidez hainbat arloetan udalerriak izan duen bilakaera ezagutzeko aukera ematen du.
