Urretxuko udaleko Gizarte Ekimen sailetik adineko pertsonei zuzendutako ikastaro berriak antolatu dira.

Tailer berri hauek, egun Aterpe jubilatuen egoitzako ikastaroen eskaintza osatuko dute. Martxan dauden memoria, aldizkari eta psikomotrizitate tailerrei, beste bi gehituko zaizkie hilabete honetan hasita.

Apirilaren 13tik 29ra izango dugu ikusgai Juan de Lizarazu aretoan, Zugarramurdin bizi den Agurtzane Anduetza artistaren lana: margoa, eskultura, bideoa.

Urretxuko arte tailerrak, asteazkenero eskaintzen dituen margo eskolez gain, urtean zehar unean uneko ikastaroak eskaintzen ari da, gai eta teknika ezberdinak landuz. Atxikitutako artxiboan ikus dezakezue 2018 urterako antolatutako programazioa.

Datozen jai eta opor egunetan aukera asko izango dira Urretxun aisialdiaz gozatzeko. Alde batetik, Santa Barbara aterpetxeak antolatutako ekintzak ditugu. Ezin ahaztu gainera bertan dugun mikro-orientazio zirkuitua, bertako zelaietan jolastu eta gozatzeko. Aikur erke museoa ere gertu dugu. Eta pazko astean, txikientzako tailerrak izango dira Ederrena pilotalekuan. Gainera aurten cricket ikastaroa ere egingo da Lizeoko zelaian.  

Otsailaren 22an Urretxuko Udalbatzak Bide Publikoen Inbentarioaren hasierako onarpena egin zuen. Txostena Sendo enpresak egin du eta jendaurrean egongo da bi hilabetez, hau da, maiatzaren 17a arte.

Martxoaren 7an aurkeztu ziren Urretxun eta Zumarragan egindako euskararen kale erabileraren inguruko emaitzak. 2017ko urrian egin zuen landa-lana Soziolinguistika Klusterrak, eta aurkezpen ekitaldian eman ziren ezagutzera datu guztiak.

Aniztasunaren eta Bizikidetzaren Mahaian proposatuta, Urretxu-ko Udalak 2013tik gure ingurunea osatzen duten kultura desberdinak protagonistak diren azoka bereziko egun bat antolatzen du. Izena emandako Kulturaren Azoka da eta edozein pertsona edo elkarteri gastronomiaren, eskulangintzaren, musikaren, ikuskizunen bidez bere jatorri kultura partekatu nahi duena irekita dago.

Zer gertatzen da emakumeek ez badute zaintzen, ez kontsumitzen, ez lan egiten, ezta parte hartzen ere?

Hausnarketa horrexek eraginda, iaz mugimendu feministak emakumeen nazioarteko greba-deialdi bat egitea erabaki zuen, non eta 70 herrialdetan baino gehiagotan; aurten, 2018an, “Emakumeok planto. Nosotras paramos” leloaren pean errepikatuko da. Grebaren xedea da emakumeen lanak gure gizartean duen inpaktua ikusaraztea eta lan hori aintzat har dadila eskatzea.

Udalak Gizarte Zerbitzu eta Prestazioen Gida argitaratu du, urretxuarrek eskura dituzten zerbitzu eta prestazioak 14 orritan biltzen dituena.