Hau EAJ-PNVren hirugarren legealdia da Gobernu taldearen buruan. Lehenengo legealdia errekuperazioarena izan zen, bigarrena Urretxu berriaren egonkortze eta diseinuarena eta hirugarrena Urretxu berri horren exekuzioarena, oraingoan, gainera, PSE-EE ere Gobernu Taldean da.

Horretarako, ezinbestekoa da ahalik eta plangintzarik zehatzena, eta konkretuena egitea, baina aldi berean malgua; izan ere, urte hauetan Udalaren buru izan garenetan, behin baino gehiagotan ikasi eta egiaztatu dugu beharrak eta lehentasunak une batetik bestera alda daitezkeela, edozein ustekaberen aurrean, eta horretarako prest egon behar dugu. Egokitzeko gaitasuna ezinbestekoa da, bai guretzat, bai aurkezten ari garen plan honentzat.