Atzo buruturiko osoko bilkuran, Urretxu udalak aho batez onartu zuen Aldiri kiroldegiaren kudeaketa BPXPORT KIROL ZERBITZUAK enpresari esleitzea, kontratazio mahaiak egindako txostena berretsiz. 

Labeaga eta Ipeñarrieta kaleen arteko gurutzeko obren lehen fasea amaiturik, datorren asteartean, maiatzak 2, Udalak bigarren faseari ekingo dio, eta aparkalekuen margoketa egingo du, arrain-hezur erara, Ikastolako bidegurutzetik.

Sasieta Mankomunitateak publikoki zabaldu dituen datuen arabera, Urretxuk puntu batean egin du gora birziklapen tasari dagokionez, %75ean finkatuz. Martxoa antzekoa izan da bildutako hondakin bolumenari dagokionez,  174.000 kilotik gora, horietatik 130.000 kilo gaika jaso direlarik. 

Bizilagunek maiatzaren 1a arte (azken eguna) erabili ahal izango dituzte Tourseko San Martin eliza atzean dauden kontenedoreak, izan ere asteartean erretiratu egingo baitira hortik. Hasteko, Udalak Elizalde eta Barrenkale indartuko dute, baina hala ere Sasieta Mankomunitatearekin harremanetan gaude inguru horretan beste guneren bat jarri edo aldatzen duen erabakitzeko.

Datorren igandean, apirilak 30, ospatuko den XXXIV. A. Mendijur proba dela eta, parte-hartzaile guztien segurtasuna bermatzeko, eta era berean herriko bizilagun guztiei galera gutxien sortzeko asmoarekin, Urretxuko Udaltzaingotik hartuko diren trafiko neurrien berri ematen dizuegu.

Maiatza ekintzez beterik datorkigu. Agendan dituzue guztiak bilduta.

Urretxu eta Zumarragako udalek antolatuta, pailazoek “Tipi, tapa, Korrika” ikuskizuna ekarriko dute Urretxuko Ederrena pilotalekura. Sarrerak eskuragarri dituzue 7 eurotan Ederrena tabernan bertan, maiatzaren 6a arte. Maiatzaren 7an, leihatilan, 12:30-13:30 eta 15:30-17:00, beti ere sarerak agortu arte.

Datozen jai eta opor egunetan aukera asko izango dira Urretxun aisialdiaz gozatzeko. Alde batetik, Santa Barbara aterpetxeak antolatutako ekintzak ditugu. Ezin ahaztu oraindik orain bertan inauguratu den mikro-orientazio zirkuitua, bertako zelaietan jolastu eta gozatzeko. Aikur erke museoa ere gertu dugu. Eta pazko astean, txikientzako tailerrak izango dira Lizeoko soinketa gelan. 

Joxemari Iparragirre koblakaria jaio zeneko 200. urteurrena ospatuko da 2020. urtean, hemendik hiru urtera hain zuzen ere. Zalantzarik gabe ospakizun garrantzitsua izango da Urretxuko herriarentzat, eta horrela izanik, Urretxuko Udala hasia da lehen urratsak ematen 2020an egin litezkeen ekitaldiei begia jarrita.