Energia ataria

Urretxuko energia atariak udalerriko eraikin publikoen energia kontsumo datuak biltzen ditu webgune baten bitartez. Horrela, udal-eraikinen energia-kontsumoa ezagutarazi eta energia-eraginkortasunaren arloan hartzen diren neurrien emaitzak kuantifikatu ahal dira. Web orria etengabe elikatzen da fakturazio energetiko datuen bitartez, Informazio eta Komunikazio Teknologietan oinarritutako plataforma baten bidez. Plataforma honekin, Udalak fakturazio energetikoa kontrolatu, horniduren kontratazioa kudeatu eta optimizatu eta baita eraikinen eta argi-koadroen portaera energetikoa aztertu dezake.

Energia-atariak, eraikin bakoitzaren energia-kontsumoak modu errazean ikusteaz gain, herritarrak zentzuzko energia erabilera izan dezaten sentsibilizatzea ere du helburu, bai udal-ekipamenduetan erabiltzaile gisa (kiroldegia, kultura-zentroa, etab.), bai haien etxeetan egiten duten kontsumoan.

Azkenik, aipatu behar da, portalean Udalaren energia-kontsumoa beste udalerri batzuenarekin alderatzen dela eta hainbat datu interesgarri ematen da, adibidez, egindako kontsumoagatik atmosferara zenbat CO2 isuri den.