Lau modalitatetako espezialistak izango dira dinamizatzen, teknikak erakusten eta gozarazten

Pumptrack Festa izango da uztailaren 6an, 18:00etatik 20:00etara, Urretxuko pumptrackean. Orein Bikeko Hegoi Ado buru dutela sei espezialistez osatutako taldea ariko da bertaratutako nerabeak eta gazteak trebatzen eta gozarazten, eta musika, jana eta edana ere izango da. Bizikletan, patinetan, skatean eta scooterrean adituak izango dira esku-eskura, beraz, bi orduko festan. Urretxuko Udalak eta Gaztebideanek antolatu dute ekintza, Piztu Gazte Mahaiak apirilean udarako ekintzen artean proposatu eta gero.

Iritsi eta zuzenean festan murgildu nahi duenarentzat zabalik da izen ematea helbide honetan: labur.eus/jcX3e. Bestela, bertan ere izango da azkar batean izena emateko aukera.