Abenduaren 21ean eman zen aditzera aurtengo Santa Lutziko argazki rallyko irabzaleak, Zelai Arizti kultur etxean egindako sari banaketa ekitaldian. Bertan antolatzailea izan den Argazki elkarteko kideez gain, laguntzaileak izan diren bi udalen ordezkariak ere izan ziren. Lehiaketara aurkeztutako argazki guztiak ere proiektatu ziren, emanaldi zoragarrian. ZORIONAK!
Abenduaren 20an Zumarragako Zelai Arizti kultur etxeko areto nagusia irrifarrez, algaraz eta txaloz bete zen gure herrietako margolari eta idazle gaztetxoei merezitako sariak ematerakoan. Urteroko moduan Urretxu eta Zumarragako udalek haurrentzako Gabonetako Lehiaketak antolatu zituzten eta urteroko moduan haur, guraso eta ikastetxeen inplikazioari esker parte hartzea izugarria izan zen, ZORIONAK!
Datozen egunotan zabalduko da urtarrileko agenda eta ikusiko duzue formatuan eta edukietan eraberrituta datorrela. Liburuxka formatua alde batera utzi eta agenda eramangarriagoa, arinagoa, argiagoa eta erabilpen errezagoa duen formatu txikiko agenda baten alde egin dugu apostua.
Tradizioari jarraituz, Santa Lutzi jendetsua izan dugu, eguraldiak lagundu ez duen arren. Osteguna izanik, euria eta hotza medio lehenengo orduetan bisitariak poliki poliki agertu ziren, baina eguerdierako dena beteta zegoen eta publikoak berriro ere harrera eta babesa ezin hobea eskaini dio feria honi. Ederrena frontoia ere bete egin zen goiz eta arratsaldean. Argazki rallyan ere parte hartze polita izan zen: Euskal herri osotik etorritako 44 lagun, 34 heldu eta 10 gaztetxo. Abenduaren 21ean egingo den sari banaketa ekitaldian jakingo dugu zeintzuk atera dituzten epaimahaiaren iritziz irudirik ederrenak.
Igor Zubillaga eta Mikel Serranok, Urretxu eta Zumarragako udal ordezkariek aurkeztu dute prentsaurrekoan aurtengo Santa Lutzi Feria. Hemen ikusi dezakezue Aldundian Ainhoa Aizpuru diputatuaren eskutik egindako agerpenaren bideoa.
Azaroaren 23an banatu ziren Urrelur Mineralogia eta Paleontologia asteko argazki lehiaketaren sariak.
Aurten ere oso giro onean ospatu zen San Martin Jaia. Musika, dantza, jolasak, odolki dastaketa... Eta ospakizunen barruan, urteroko moduan, 2 urdaiazpikoen zozketa egin zen.
Hauek izan ziren zenbaki irabazleak: 1682 eta 1772. ZORIONAK!
Urrelur Museoak eta Urretxuko Udalak antolatutako asteak ezin zuen hasiera hobeagorik izan. Urriaren 27an Nafarroko diapiroak azrtetzeko aukera ezin hobea izan zen, eta euriak arratsaldeko azkeneko unerarte errespetatu zuen ekintza. Ondoren, astelehen, astearte eta asteazkenean ehunka ikasle bisitatu zuten Museoa eta aurtengo izarra den dinosauro erraldoia. Eta astebukaerako feria eta parkera ere bertako eta kanpoko bisitari ugari hurbiltzen ari dira.
"Sabel marduleko silueta enigmatikoak, beheko gorputz-adarrik gabeak, ageri dira Txaro Arrazola artistaren erakusketa honetan, askotariko gainazal eta euskarrietan. Jakin-minez ibiliko gara, emakume nabarmen baina anonimo hauez inguratuta; behin eta berriro errepikatuko dira, obsesioak balira bezala. Agian, kendu zaien zerbait eskatzera datozen mamuak dira, edo bakean joatea eragozten dien zerbaiten eske datozenak". Andrea Abalia
