Igandean hasiko da Urretxuko Udazkeneko Musika Zikloaren 37. edizioa, ohi moduak Urretxuko Udalak eta Goiargi abesbatzak lankidetzan antolatuta.

Asteartean Javier Arratibel Goiargi abesbatzako zuzendariak eta Maialen Fidalgo kultura zinegotziak prentsaurrekoa eskaini zuten zikloaren berri emateko.

Azpimarratu zuten zikloa oso errotuta dagoela herrian eta horren seinale dela edizio kopurua, 37 dagoeneko, San Martin de Tours eliza bete egiten dela zikloa ospatzen den bakoitzean. Goiargiren lana ere eskertu zuten Udaletik, abesbatzako kideak eta beraien laguntza ezinbestekoak baitira ziklo hau antolatzeko eta gainera izaera berezia ematen diote.

Jarraian hitza Arratibelek hartu zuen eta musika zikloa aurrera ateratzea posible egiten duten guztiei eskerrak emanez. Zikloa Goiargiren urteko zita nagusietako bat da eta Urretxu eta Zumarragako publikoari gonbidapena luzatu zion kontzertuetaz gozatzeko.

 Ondoren, Musika zikloan parte hartuko duten taldeak eta kontzertuen datak jakitera eman zituzten eta sarrera doakoa dela gogorarazi zuten eta guztiak San Martin de Tours elizan egingo direla, 19:00etan. Hona hemen bakoitzaren informazioa.

• URRIAK 22: Goiargi Abesbatza (Urretxu-Zumarraga) 

  esku orria Goiargi 2023-10-22.pdf Popular 291.22 KB 571

  17/10/2023 12:26:09

• URRIAK 29: Garaizarko Mastorriak Abesbatza (Bilbo) 

  esku orria Matsorriak 2023-10-29.pdf Popular 395.05 KB 497

  24/10/2023 15:13:15

• AZAROAK 5: Musika Lipa Chamber Choir (Lipa-Filipinas) 

  esku orria Musikalipa 2023-11-05.pdf Popular 337.07 KB 509

  17/10/2023 12:26:10

• AZAROAK 12: Iraurgi Abesbatza (Azkoitia) 

  esku orria Iraurgi 2023-11-12.pdf Popular 321.94 KB 514

  17/10/2023 12:26:10