Sasieta Mankomunitateko Zuzendaritza Batzarrak, 2017ko abenduaren 18an egindako ohiko bileran, besteak beste, erabaki du, aho batez, Sasieta Mankomunitateko estatutuak aldatzeko proiektua hasieraz onartzea.

Era berean, Gipuzkoako lurralde historikoko udalez gaindiko erakundeak arautzen dituen apirilaren 10eko 6/2007 Foru Arauaren 11. artikuluan xedatutakoari jarraituz, espedientea jendaurrean jartzea onartu du hilabeteko epean, Gipuzkoako Aldizkari Ofizialean argitaratuz eta Sasieta Mankomunitatea osatzen duten udalerrietako udaletxeetako iragarki oholetan erakutsiz, interesdunek hura aztertu eta alegazioak aurkez ditzaten.

http://www.sasieta.eus/euskara/albisteak/sasieta-mankomunitateko-estatutuak-aldatzeko-proiektua