Tradizioari jarraituz, eta eguraldiak lagunduta, Santa Lutzi feriak jendea biltzeko ahalmenari eutsi dio. Ekoizleek produktuen kalitateari eutsi diote eta ekintza egitarauak ez du utzi aspertzeko unerik. Lehiaketa guztien emaitzak hementxe bertan dituzue. Argazki rallyan ere parte hartze polita izan zen: Euskal herri osotik etorritako 38 lagun, 35 heldu eta 3 gaztetxo. Urtarrilaren 4an egingo den sari banaketa ekitaldian jakingo dugu zeintzuk atera dituzten epaimahaiaren iritziz irudirik ederrenak.

Maialen Fidalgo eta Mikel Serranok, Urretxu eta Zumarragako udal ordezkariek aurkeztu dute prentsaurrekoan aurtengo Santa Lutzi Feria. Hemen ikusi dezakezue Aldundian Xabier Arruti,  Nekazaritzako eta Landa Garapeneko zuzendariaren eskutik egindako agerpenaren bideoa.

Honela dio Aldundiaren dekretuak: ”HEGAZTIEN GRlPEAren egungo arrisku-egoera kontuan hartuta, non basa-hegaztien zenbait foku deklaratzen ari dira, eta hegaztien kontzentrazioek hegaztien ekoizpen-sektorean izan dezaketen arriskua kontuan hartuta, azoketan eta merkatuetan hegaztien presentzia ez baimentzea erabaki da, harik eta arriskua berriro ebaluatu arte, ekoizpen-sektorearekin batera eramaten ari garen prebentzio-estrategiarekin bat etorriz. Erabaki hori Euskal Autonomía Erkidegoan hartutako erabakia da”.

Abenduaren 2tik 18ra bitartean Juliette June artistarenen erakusketa ikusi ahal izango dugu Juan de Lizarazu aretoan. Juliette June Parisen jaio zen eta Halsou-n bizi da, non pinturan, performancean eta poesian lan egiten du. Bere lana ezagutzera eta disfrutatzera gonbidatzen zaituztegu. Artistaren presentzia abenduaren 2an izango dugu, inaugurazio ekitaldian, 19:00etan.

Azaroaren 25ean Urrelur mineralogia eta paleontologia asteko V. Argazki Lehiaketaren sari banaketa egin zen. Lehiaketa Argazki Elkarteak eta Urrretxuko Udalak antolatzen dute elkarlanean eta aurtengo edizioan oso parte hartze handia izan da: 23 heldu eta 8 gaztetxo. Zaila izan zaio epaimamahikoari erabakia hartzea baina hementxe dituzue sarituak, ZORIONAK!

Urretxu - Zumarragako Goiargi abesbatza bere 40.urteurrena ari da ospatzen eta azaroaren 26an izango dute ekitaldi bereziena. 

Aurten ere giro ezin hobean ospatu genuen San Martin, iazko nobedadeen arrakastarekin, baserritarren azokarekin eta herri kirolen presentziarekin. Han izan ziren baita ohiko Iparragirre Balerdi Musika Tailerra eta Lizarriturri Txistulari Elkartea eta   eta, nola ez, odolki pintxoen dastaketa, hori guztia San Martin auzoko bizilagunen laguntzarekin.

Iazko aldaketa eta berrikuntzen arrakasta ikusita, aurten ere, ohituraz abenduan ospatzen zen baserritarren feria, San Martin egunean ospatuko da , bai feria eta bai San Martin eguna indartzeko asmoz.

Ez hori bakarrik, auzotarrez eta baserritarrez gain, Herri Kirol taldekoak ere bertan izango ditugu, iazko moduan. Gure herri kirolak berreskuratu eta ezagutzera emango dituzte gerturatzen diren haur eta helduen artean.

Urriaren 29an hasi eta azaroaren 6ra arte, Urretxu Mineral eta Fosilen herri-museo bilakatuko da.

Urriaren 29an jakinarazi zen Urretxu eta Zumarragako udalek 2022an antolatu duten pintura lehiaketaren emaitza, Urretxuko Juan de Lizarazu erakusketa aretoan egin zen emanaldian. Urriaren 29tik azaroaren 6ra arte lehiaketara aurkeztutako lanen erakusketa bisitatu ahalko da Juan de Lizarazu aretoan, astelehenetik igandera 17:30 - 20:30.

Igandean hasiko da Urretxuko Udazkeneko Musika Zikloaren 36. edizioa

Urriaren 7an banatu ziren 2022ko Santa Anastasi jaietako argazki lehiaketaren sariak, Urretxuko udaletxean egin zen ekitaldian. Sariak banatzeaz gain lehiaketara aurkeztutako irudien proiekzioa ere egin zen.