Urretxu eta Zumarragako Hizkuntza-Erabileraren Kale-Neurketa

Hona hemen 2017. urteko udazkenean, Urretxu-Zumarragako Udalaren eskariz, Soziolinguistika Klusterrak egindako Urretxu-Zumarragako hizkuntza-erabileraren kale-neurketa, 2017 ikerketaren ondorio nagusiak.

2017

Datu Nagusien irakurketan: Laburpena

Atal honetan, Urretxu eta Zumarragako hizkuntzen erabileraren kale-neurketan jasotako emaitza nagusiak laburbilduko ditugu:

• Kalean entzundako bost elkarrizketatik bat da euskaraz (%22,3) eta hiru laurden, berriz, gaztelaniaz (%75,2). Beste hizkuntza batzuetan erabilera %2,5ekoa izan da.
• 2001-2017 epealdian euskararen erabilera-maila nahiko egonkor egon da (16 urteko bilakaeran 0,4 puntuko jeitsieratxoa ikusi da). Neurketa batetik bestera gora-behera txikiago egon izan dira, baina ez da goranzko edo beheranzko joera garbi bat agertu bilakaeran.
• Emakumezkoek gizonezkoek baino zertxobait gehiago hitz egiten dute euskaraz: gizonezkoen erabilera %21,1ekoa izan da eta emakumezkoena %23,3koa.
• Haurrak (2-14 urte bitartekoak) dira euskara gehien erabiltzen dutenak (%29,5). Euskara gutxien erabiltzen dutenak, berriz, adinekoak %13,1 elkarrizketa izan baitira euskaraz. Gazteen erabilera %17,9koa izan da eta helduena %22,3koa.
• Haurrak bakarrik (nagusirik gabe) daudenean %20,9 da euskarazko erabilera. Nagusiak euren artean (haurrik gabe) ari direnean, %14,9ean darabilte euskara. Haurrek eta helduek osatutako taldeetan, berriz, %36,5era igotzen da erabilera.
• Haurrez eta nagusiez osatutako taldeetan, haurra hitz egiten ari bada erabilera altuagoa da (%37,7), nagusia hitz egiten ari denean baino (%32,9).

Aurkibidea

Sarrera

Metodologia

• Euskal Herriko hizkuntza-erabileraren kale-neurketaren metodologia
• “Urretxu-Zumarraga, 2017” neurketaren fitxa teknikoa

Erabilera Urretxu-Zumarragan, 2017an: emaitza orokorra

• Kalean, bost elkarrizketatik bat euskaraz
• Testu-inguratzeko bi datu garrantzitsu: herritarren hizkuntza-gaitasuna eta espero daitekeen erabilera
• Euskararen erabilera Urretxu-Zumarragan, hizkuntza-gaitasuna eta erabilera isotropikoa aintzat hartuta

Erabileraren bilakaera Urretxu-Zumarragan (2001-2017)

• Euskararen erabilera nahiko egonkor
• Ezagutzaren bilakaera

Euskal Herriarekiko, Gipuzkoarekiko eta beste herriekiko alderaketa

• Euskal Herriko eta Gipuzkoako kale-erabileraren datuekiko alderaketa
• Hizkuntza-gaitasuna, kaleko erabilera eta espero daitekeen erabilera Euskal Herriko, Gipuzkoako eta Urretxu-Zumarragako datuen alderaketa
• Inguruko hainbat herrirekiko alderaketa

Zonaldekako emaitzak

• Zonaldeen araberako emaitzak
• Sexuaren araberako bilakaera
• Adinaren araberako erabilera

Haurren presentziaren eragina erabileran

Datu nagusien laburpena

2017 - Emaitzen Txostena

2013 - Emaitzen Txostena