Apirilaren 14an Pirritx, Urretxu eta Zumarrago udalen eskutik, Porrots eta Marimotots pailazoak izango ditugu Urretxun bere azken lana den "Musua" aurkezten. Familia osoarentzako plan ezinhobea. Sarrerak dagoeneko salgai Ederrena pilotalekuan.

Martxoaren 23 et 30ean Frontenis txapelketa egingo da Ederrena pilotalekuan. Hona hemen informazio xehea.

Martxoaren 15ean eta Urretxu eta Zumarragako udalen eskutik Gari musikari legazpiarra eta Maldanbera taldea izango ditugu azken diskoa aurkezten "Beste denbora batean". Zelai Arizti aretoan izango da, 22:30ean. Sarrerak dagoeneko salgai on line. 

Zerbitzu berria jarri da martxan eta aurrerantzean helduen antzerkiko sarrerak on line erosteko aukera ere izango da. Dagoeneko salgai online martxoaren 1eko "Las princesas del pacífico" eta apirilaren 5eko "Hozkailua".

Atzo, Otsailak 7, Goierri Saskibaloi taldeak bere 50.urteurrena ospatzeko prestatu duen egitaraua aurkeztu zuen Urretxuko udaletxean

Abian da berriro ere Irakurketa Erraza lantzeko tailerra; lehen saioa atzo goizean 11:00etan izan en Urretxuko liburutegian.

Konponketa lanak direla eta bihar, otsailak 7, Areizaga kaleko 4,6,8,10 eta 12 atarietan ura moztuko da 15:00etatik 17:00ak arte.

Barkatu eragozpenak

Otsailaren 15etik martxoaren 3ra ikusi ahal izango duzue Marijose Cueli argazkilariaren "Ezinezko munduak" argazki erakusketa. Irudizko izakiak, ezinezko munduak… Edo ez? Nork esaten dizu ikusten eta sentitzen duzun mundua ez dela irudizko mundu bat, eta errealitatea ez dela bizi zure irudimena bizi den tokian!

Atzo igandean jokatu zen aurtengo Mingainluze ekimeneko finala, aurtengo ekinaldiko azken saioa. Bertan 8 taldek neurtu zituzten indarrak, kanporaketetan aurrera egitea lortu zuten zortzi taldeak, eta final benetan estu eta umoretsu baten ondoren Los Kabiters taldea (Aimar Arbizu, Asier Calvo, Yasser Reghif) izan zen irabazlea. Talde honek lehen txanpako “Tribuaren berbak” saioan lortu zuen abantaila eta bigarren faseko probetan, lortutako abantaila horri eusteko moduan izan ziren.