Berriak

Aste Santuko jai egunetan hemen gelditu behar bazara, kontutan izan eskualdean bertan dituzun aukerak. Santa Barbara atsedenaldirako leku zoragarria da urteko edozein sasoitan bertako aterpetxeak eta jatetxeak eskaintzen diguten zerbitzuarekin. Zer esanik ez gainera bertan aisialdi ekintzak egiten badira.

Urretxu eta Zumarragako “Mintzalaguna” egitasmoko partaideak ikasturte erdiko bilkura egin zuten otsailaren 26an, ostirala, Gorribide elkartean. Lehiaketari dagokionez, hamar galdera erantzun dituzte mintzalagunek, eta galdera guztiak ondo erantzun dituzten taldeen artean 100 euroko zozketa egin da. Elorri taldea suertatu da oraingoan saridun.

Trebezia lehiaketa arrakastatsuaren bosgarren edizioa igande honetan hasiko da. Lehiaketa honetan LH-ko 2, 3 eta 4. mailetako haurrek har dezakete parte, hiruko taldetan banatuta, eta herriko ikastetxeetako haurrei zuzendurik dago bereziki.

Urretxu- Zumarragako euskarazko irakurle taldeak 2015-2016 ikasturteko bosgarren bilkura egingo du otsailaren 24an, asteazkena, arratsaldeko 19:00etan. Bilkura Zelai Arizti kultur etxean izango da. Jose Luis Otamendi idazlearen “Euri Kontuak” liburua izango dute aztergai taldekideek.

Otsailak 11n, goizeko 9:00etan, Barrenkaleko hobekuntza lanei hasiera ematea aurreikusten du Udalak, hain zuzen ere pilotalekuaren eta San Martin auzoko haur-parkearen tarteko zatian.

Pasa den igande arratsaldean jokatu zen Mingainluze lehiaketaren azken saioa. Zortzi talde finalistak gogo betez aritu ziren lanean; ordu eta erdi pasatxo jardun ondoren, MINGAINMOTZ taldea suertatu zen irabazle, hain zuzen ere lehiakide hauek: Eider Lesaka, Jone Etxeberria eta Sara Boukhalfa. Zorionak hiruroi. Sari banaketarekin eman zitzaion amaiera.

Labeaga kaleko 30 eta 34 zenbakien tarteko zatian, GABILONDO ALTZAIRUAKo bidegurutzean, trafikoa moztuta egongo da otsailaren 1etik (astelehena) otsailaren 5era (ostirala) bitartean.

Urretxu- Zumarragako euskarazko irakurle taldeak 2015-2016 ikasturteko laugarren bilkura egingo du urtarrilaren 27an, asteazkena, arratsaldeko 19:00etan. Bilkura Zelai Arizti kultur etxean izango da.