Maiatzaren 23an, asteartea, bertso-antzerkia eskaini ziguten bi herriotako ikastetxeetako LH-4 eta 5. mailako ikasleek Labeaga aretoan, eta “Gu ere bertsotan” ekimenaren bitartez ikasturtean zehar ikasitakoa  eta egindakoa azaldu ziguten.

Urretxuko Udalak,  Xabier Ormazabal zenaren oroitzapena bizirik mantentzeko eta mendian bere ibilbidea eredutzat bultzatzeko  beka baterako deialdia egin du Maila handiko eta orijinaltasunezko proiektuak bultzatzeko (bai eskaladan, bai alpinismoan, bai liburu edo gida edizioetan, bai ikus entzunezko edizioetan, bai materialen hobetzea).

Ekainaren 3an Mendi Festa ospatuko da zenbait ekitaldiekin bekaren aurkezpenaren inguruan. 

Eguraldia lagun, eta etorritako pertsonai mitologikoen musika eta dantza ikuskizunarekin festa giroa jarri zuen Urrelurrek Gernikako Arbola plazan ostiralean.

Erakusketa orijinala eta bitxia, diziplina anitzeko artistak ekarri diguna; pintura, eskultura, egur-grabatua. Bere lanaren ardatza giza-irudia da, tonu alai eta biziarekin beti.

Pagoetako udal igerilekuak aurki irekiko direnez, Urretxuko Udalak langileak kontratatuko ditu ondorengo zerbitzu hauek emateko:

1. Sorosleak
2. Harrera, sarrera eta arropa gordetegiaren zerbitzua betetzeko Atezain-laguntzaileak

Iragarrita zegoen bezala, joan den maiatzaren 2an, asteartea, Iparragirre kaleko hondakin kontenedoreak erretiratu ziren, Tourseko San Martin Eliza atzean zeudenak; hori horrela, Udalak aipatutako gune hori egokitu du: hiru aparkaleku jarri ditu eta beste bat zamalanetarako.

Atzo buruturiko osoko bilkuran, Urretxu udalak aho batez onartu zuen Aldiri kiroldegiaren kudeaketa BPXPORT KIROL ZERBITZUAK enpresari esleitzea, kontratazio mahaiak egindako txostena berretsiz. 

Labeaga eta Ipeñarrieta kaleen arteko gurutzeko obren lehen fasea amaiturik, datorren asteartean, maiatzak 2, Udalak bigarren faseari ekingo dio, eta aparkalekuen margoketa egingo du, arrain-hezur erara, Ikastolako bidegurutzetik.

Sasieta Mankomunitateak publikoki zabaldu dituen datuen arabera, Urretxuk puntu batean egin du gora birziklapen tasari dagokionez, %75ean finkatuz. Martxoa antzekoa izan da bildutako hondakin bolumenari dagokionez,  174.000 kilotik gora, horietatik 130.000 kilo gaika jaso direlarik.