Abuztuan zenbait aldaketa izango dira udal instalazio eta zerbitzuetan, jai-egun eta ordutegi aldaketekin lotutakoak.

Udaletxeko eraikinean harrera zerbitzua ohiko ordutegian eskainiko da, 7:30etik 15:00era, abuztu osoan zehar. Udaltzaingoak ere ohiko ordutegia mantenduko du, 7:00tik 21:00era aste barruan eta 9:00tik 21:00era asteburuan. Gainontzeko zerbitzuei dagokienean, Gizarte Zerbitzuak abuztuaren 10etik 14ra itxita egongo dira, Ogasuna abuztuaren 10etik 23ra, Hirigintza abuztuaren 7tik 24ra eta Idazkaritza berriz abuztuaren 7tik 23ra. Gogorarazten dizuegu zerbitzu hauek guztietarako aurretiazko hitzordua eskatzea ezinbestekoa dela.

Kirol instalazioei dagokienean, Aldiri Kiroldegiak ohiko ordutegia izango du abuztuaren 7rarte, 8:00tik 14:00ra eta 17:00tik 21:00ra alegia, eta abuztuaren 8tik 23ra itxita egongo da. Abuztuaren 24an berriro ere irekiko da, aurreko ordutegi berarekin. Kiroldegia itxita dagoen aste horietan ezingo da Ederrena pilotalekua erreserbatu.

Udal Igerilekua aldiz, egunero irekiko da. Goizeko 11:00etatik iluntzeko 20:00era, hilabete osoan.

Kulturaren esparruan, Kultur etxea, abuztuaren 1etik 7ra goizez irekiko da (9:00-14:00) eta 10etik 24ra itxita egongo da. Abuztuaren 25ean irekiko da berriz, goizez soilik. Urrelur museoak Kultur Etxearen ordutegi bera izango du.

Udal Liburutegia abuztu osoan zehar itxita egongo da, baita ikuskizun eta erakusketa aretoak eta Gaztebidean ere.