Urretxu eta Zumarragako Udalek 2025eko ikuskizun eszenikoen egitarauaren programa aurkeztu dute.

HELDUENTZAKO IKUSKIZUNAK

Helduentzako ikuskizunei dagokienez, bederatzi saio egongo dira. Hilero saio bat egongo da, urtarrilean, uztailean eta abuztuan izan ezik. Guztiak hileko lehen ostiralean izango dira. Tartean dantza ikuskizun bat ere dago.

Urteko ikuskizunei dagokienez, aniztasuna eta kalitatea eskaintzea bilatu da eta hauxe da programazioa:

. otsailak 7, PASSPORT, Yllana (cas)
. martxoak 7, MIÑAN, Artedrama (eus)
. apirilak 4, LORCA EN NUEVA YORK, Alberto San Juan (cas)
. maiatzak 9, ARIZONA, Txalo produkzioak (eus)
. ekainak 6, NÉE, Igor Calonge (dantza)
. irailak 5, AI, GURE JUANETEAK, Tartean teatroa (eus)
. urriak 3, MENINA, SOY UNA PUTA OBRA DE VELAZQUEZ, Proyecto cultura (cas)
. azaroak 7, AMAK, Txalo produkzioak (eus)
. abenduak 5, STRIP-TEASE, Teatro Morfeo (cas)

Emanaldi guztiak 20:15ean hasiko dira, Zumarragako Zelai Arizti aretoan.

Sarrerek 10 euro balio dute, baina Gazte Txartela aurkezten dutenek 7 euro bakarrik ordainduko dute. Gainera, antzerki saioaren egunean, 19:45etik 20:15era, 30 urtetik beherakoek 5 euro bakarrik ordainduko dute, beti ere lekua baldin badago.

Emanaldi guztiez gozatzeko aukera ematen duen bonuak 70 euro balio du. Euskarazko saioetarako bonuak, eta musika/dantza ere hartzen duenak ,berriz, 35 euro balio du. 2024ko bonua mantendu nahi dutenek, hilaren 13an Zelai Arizti kultur etxera jo behar dute: 10:00etatik 13:30era eta 15:00etatik 18:30era. 2024ko bonua aurkeztu behar dute. 2024ko bonua eduki arren aldatu nahi dutenek, hilaren 15ean jo behar dute kultur etxera, ordutegi berean. Horiek ere iazko bonua aurkeztu behar dute. Bukatzeko, aurten lehenengoz bonua erosi nahi dutenek eta euskarazko saioetarako bonua erosi nahi dutenek, hilaren 18an jo behar dute kultur etxera: 10:30etik 13:00etara.

 HAURRENTZAKO ANTZERKI SAIOAK

Bi udalek, urteroko moduan, haurrentzako eta familientzako ikuskizun eszenikoak ere antolatu dituzte, zazpi hain zuzen ere. Askotariko gaiak lantzen dituzten ikuskizunak dira, eta, dibertsioaren bidez, hainbat baliotan sakontzea bilatzen dute, hala nola adiskidetasuna, elkartasuna, desberdinarekiko errespetua, bizikidetza... Zirkuak eta dantzak ere tartea izango dute publiko gazteenarentzako kalitatezko eskaintza honetan.

Hauxe da aurtengo programazioa:

. otsailak 16, MURREN BIDAIA, Behibi´S
. martxoak 16, POTX ETA LOTX LAGUNEKIN TOPA!, Potx eta Lotx
. apirilak 13, KELONIA ETA ITSASOA, Gorakada
. maiatzak 11 de mayo, OSTIRALA IRITSI DA!, Porrotx, Marimotots, Pupu eta Lore ** frontón Ederrena 
. urriak 19, ZEPO ZAPO, Markeliñe
. azaroak 16, AMAMA, Aukeran Dantza Konpainia (danza)
. abenudak 14, OH-PERA, Zirko Txosko

Saio guztiak 17:00etan izango dira. Denak Urretxuko Labeaga aretoan izango dira, Pirritx, Porrotx eta Marimototsena ezik. Hori Ederrena pilotalekuan izango da. Labeagako emanaldietako sarrerak 5 euro balio du eta Ederrenakoak 7. Bonuak ere egongo dira. Haurrari laguntzaile batekin joateko aukera ematen dionak 30 euro balio du eta haurrarentzat bakarrik balio duenak 20 euro. Bonuak urtarrilaren 16tik aurrera salduko dira, Urretxuko kultur etxean, otsailaren 14ra arte, ordutegi  honetan: astelehenetik ostiralera, 10:00-12:00 eta 16:30-20:30; larunbatetan 11:00-13:00. Eta gero otsailaren 16an eta martxoaren 16an Labeaga aretoan bertan, 16:00-17:00.

Hemen emanaldi guztien informazioa.

HELDUEN PROGRAMAZIOA 

HAURREN PROGRAMAZIOA