Aurreko urteetan bezala, biblipiszina zerbitzua jarri da martxan uztailaren hasieratik irailaren 11ra.

Udako liburutegia izango da udal igerilekuan. Bertan, kirol txartela aurkeztuz, liburu eta aldizkariak hartu eta hantxe irakurtzeko aukera izango duzue (txartela eduki ezean, nortasun agiria erakutsita ere nahikoa izango da).

Bestalde, uztailaren 5etik 22ra, lan egunetan,  liburutegia Iparragirre plazara aterako da, 10:30etatik 12:30etara, haur eta gaztetxoentzako liburuekin eta aldizkari eta egunkariekin.