Martxoaren 25a eta apirilaren 10a bitartean Luisi Bravoren "Oroitzapenak - Recuerdos" erakusketa ikusteko aukera izango dugu Juan de Lizarazu aretoan. Luisik ibilbide luzea egin du margogintza munduan eta Urretxuko arte eskolako ikaslea da.

Horrela aurkezten du Aitor Etxeberriak, tailereko irakaslea, erakusketa hau:

"Luisi Bravo Urretxuko arte eskolan denbora gehien daraman ikasleetako bat izango da. Ezagutu nuenean, modu ona ikusten nuen bere pinturan. Luisi Bravorentzat, gaia aitzakia baino ez da. Margolari honek ikuslea harrapatzen duen gozotasuna agertzen du bere bodegoi eta paisaia hurbilenetan. Bere paisaiak kilometro gutxi batzuetan koka daitezke,… Donostia, aldameneko auzoak, frutak eta barazkiak ere bai, baita gris beroen eskala batean margotutako gauza txikiak ere. Pintura malenkoniatsua, argi sentikorrekoa, non Luisi Bravok, nolabaiteko nostalgiaz, dagoeneko urrun diruditen lekuak berreskuratu nahi dituela dirudien. Erakusketa honek bere bidea umiltasunez egin duen eta bere esperientzia piktorikoa gurekin partekatu nahi duen margolari baten lana biltzen du, gure begientzako opari bat izanik".

Bere lanaz gozatzera gonbidatzen zaituztegu. Erakusketa martxoaren 25ean inauguratuko da, 19:0etan.

Erakusketaren katalogoa  

Erakusketaren inaugurazioa