Gaur “Eguberri, eguzki berri” bideo ipuina ezagutzeko aukera dugu. Helburua, familiei, batez ere haurrei, baina orokorrean herri guztiari zuzenduta Eguberrien inguruko kontakizunari irudia jartzea izan da. 

Gabon iluntzean Olentzero eta Mari Domingi herrira badatozela jasoko duen beste bideo txiki bat ere zabalduko da, egun horretan, Urretxun eta Zumarragan Mari Domingiren eta Olentzeroren presentzia bermatzea garrantzitsua dela uste baita.

Neguko Solstizioa, naturarekiko harremanean, kultur ondarearen ezagutza eta transmisioan eta herrigintzan oinarrituta egiten den ekimena da. Hirugarren urtea du aurtengoa eta gainontzeko urteetan bezalaxe, herriko eragile ezberdinen  eta bi Udalen arteko elkarlanaren emaitza da.

Hona hemen gaurko bideoa.