2020 urteko haurrentzako programazioa osatuta dago eta Urretxuko udaletxean egin da aurkezpena Zumarragako Udaleko Mikel Serrano eta Urretxuko Udaleko Maialen Fidalgoren eskutik.

 Eskaintza aberatsa, sendoa, eta urte osokoa da:

• Kultura eta aisialdia batu eta nahasten ditu dena bat eginez: kultura aisia da eta aisia kultura da, gozatzea, ikastea, harremanak egitea, ondo pasatzea. Hori guztia garatzeko aukera ezin hobea eskaintzen du egitarau honek.
• Haurrak eta familiak erdigunean jarrita kalitatezko aisialdiaz elkarrekin gozatzeko espazio eta denbora eskaintzen ditugu.
• Ikuskizunez gain, zine emanaldiez gain sormenerako tailerrak eta jolasak txertatu ditugu, partaideak hartzaile eta emaile eginez.
• Primerako programazioa da, aberatsa eta kalitatezkoa, ez haurrentzako bakarrik baizik eta baita familientzako ere. GOZATU.

Bonoak otsailaren 14a arte salgai Aizpurunea kultur etxean. Hemen duzue informazio osoa eta baita deskargatzeko egitaraua ere.

 INFORMAZIOA, IZEN EMATEAK ETA BONO SALMENTA
Aizpurunea kultur etxea (Urretxu) - 943 03 80 88

Haurrentzako antzerki programazioa 2020