Tradizioari jarraituz, Santa Lutzi jendetsua izan dugu, eguraldiak lagundu ez duen arren. Osteguna izanik, euria eta hotza medio lehenengo orduetan bisitariak poliki poliki agertu ziren, baina eguerdierako dena beteta zegoen eta publikoak berriro ere harrera eta babesa ezin hobea eskaini dio feria honi. Ederrena frontoia ere bete egin zen goiz eta arratsaldean. Argazki rallyan ere parte hartze polita izan zen: Euskal herri osotik etorritako 44 lagun, 34 heldu eta 10 gaztetxo. Abenduaren 21ean egingo den sari banaketa ekitaldian jakingo dugu zeintzuk atera dituzten epaimahaiaren iritziz irudirik ederrenak.

Abenduaren 12an Errioxako ardo dastaketa egin zen (2018ko uzta) Manuel Ruiz enologoaren eskutik. Hemen ikusi dezakezue laburtuta.

Eguneko irudiak ere bai. Azokak, giroa eta herri kirolak. Idi probak.

Ekoizleek etxeko produktu onenak ekarri zituzten sariketa ezberdinetan parte hartzeko. Hemen dituzue guztien emaitzak.

Informazio gehiago Aizpurunea kultur etxean

943 038088