Urte hasieratik eta bereziki uztailean Santa Anastasia Jaien egitaraua osatu eta antolatzeko bilera ireki eta parte hartzaileak egin dira. Gainera sare sozialen bidez ere iritzi asko jaso dira eta inkestetan ere esku hartze handia izan da. Hemen ikusi dezakezue lan horren emaitza jai egitarauan. Eskerrik asko denoi.

Irailaren 14tik eta 24aren artean ekintza egitarau ederra garatuko da, eta hemen duzue egitarau horren aurkezpena. Herriko festek aukera paregabea eskaintzen dute herriko giza, kultur, kirol eta bestelako hainbat elkarte eta taldeen lana eta ekintzez gozatzeko. Jaietan, herriko plaza, kale eta txosnetan ekintza ugari antolatzen dituzte, lehenengo egunetik azken eguneraino. Aurtengo berritasunetako bat Herri Arteko Foklore Jaialdiaren data eta egitura aldatzea izan da, izan ere irailaren 15ean ospatuko da egun osoz.  Jaiei hasiera ematearen ardura Lekaio Artisau Taldearena izango da, beraiek izango dira eta aurtengo pregoilariak; gainera irailaren 14tik aurrera urten hauetan egin duten lanaren erakusketa izango dugu ikusgai udaletxean.

Eta aurten, gaueko kontzertuetan, urretxuar ugarik eskatu bezala, FALSALARMA izango dugu ostiral gauean, DOCTOR DESEO larunbat gauean eta GOZATEGI igande gauean. Denak doan Gernikako Arbola plazan.

Santa Anastasia jaietako IV. argazki lehiaketa ere egingo da. Oinarriak. Eta beste hainbat eta hainbat ekintza... Ondo pasa!

Egitaraua Urretxuko Jaiak

Informazio gehiago nahi izanez gero, kultur etxera jo dezakezue

943 038088

Jarraitu facebook eta twitterretik azken berriak