Urretxuko Udalak Aldiri kiroldegiko gimnasioa hobetzeko konpromisoari eusten dio eta berrikuntza-prozesuan beste urrats bat eman du.

Espalderak eta indar-makinak edota material txikiak berritu ostean, oraingoan kardio gunearen txanda heldu da.

Horrela, dagoeneko hainbat bizikleta aldatu eta berritu dira, eta oraingoan, Udalak bi zinta berri eta bi eliptiko erosi ditu, erresistentzia hobekuntzarako funtsezko elementuak izanik.

Makina eliptikoak

Eliptiko honek entrenamendu kardiobaskular eraginkorragoa eta inpaktu txikikoa eskaintzen du. Erabiltzaile guztien gaitasunetara egokitzen da, hasiberrietatik hasi etaaurreratuenetaraino.

"Ekintza bikoitza" sistema du, goiko eta beheko gorputz-trenaren lana aldi berean egiteko aukera emanez. Doikuntza erraza eskaintzen du edozein erabiltzailerentzat. Gainera, gorputzaren jarrera egokia eta mugimendu naturala imitatzea ahalbidetzen du, entrenamendu esperientzia hobetuz.

Makina horietako bakoitzak 3327 euroko kostua izan du.

Korrika egiteko zintak.

AC2990 zintak karrera-plataformaren egitura integratua eta kontsola moderno bat ditu. Itxura egonkorra, nukleo sendoa eta funtzionamendu praktiko eta leuna eskaintzen ditu.

Bihotz-maiztasuneko helduleku inklinatuak eta beso-euskarri estaliaren diseinu ergonomikoa ditu, erabiltzaileari helduleku erosoagoa eta seguruagoa eskaintzeko. Aldi berean, produktuaren estilo zehatza eta erresistentzia bermatzen ditu.

Zinta bakoitzaren kostua 3599 eurokoa izan da.

Horrez gain, aurki, kantxarako markagailu berriak jarriko dira eta porterien segurtasuna hobetuko da kontrapisu bereziekin.