Urretxuko Udalak, Xabier Ormazabal zenaren oroitzapena bizirik mantentzeko eta mendian bere ibilbidea eredutzat bultzatzeko beka baterako deialdia egin du Maila handiko eta orijinaltasunezko proiektuak bultzatzeko (bai eskaladan, bai alpinismoan, bai liburu edo gida edizioetan, bai ikus entzunezko edizioetan, bai materialen hobetzea).
Ekainaren 3an Mendi Festa ospatuko da zenbait ekitaldiekin bekaren aurkezpenaren inguruan.
Mendizaletasuna eta gazteak batzen dituen ekitaldi eta ekimen honi Urretxuko Udalak erabateko bultzada eta babesa eman nahi dio. Ekainaren 3a oso berezia izango da, gure herrian izango den ARTEA eta MENDIZALETASUNAren arteko batuera, lotuera eta konplizitatetik emaitza zoragarri bezain emankorrak izateko ilusioarekin jardun dugu lanean. Ekintza herrikoia da eta herritar guztiei irekia. Egun osoan zehar ekintza ugari izango ditugu Lizeoan: eskalada herrikoia, graffitiak, haurrentzako parketxoa, eskaladan desafioa... eta azkenik bekaren aurkezpena eta Gorka Karapeto eta Alex Txikonen ikusentzunezkoak Labeaga aretoan. Informazio osoa kartelean.
Mendi Festaren egitaraua
Xabier Ormazabal - Beka & Mendi Festa Kartela
Popular 2017 561.68 KB 195524/05/2017 13:16:49
