Liburuaren Nazioarteko eguna aitzaki hartuta, Urretxuko Aniztasun eta Bizikidetza Mahaiak Urretxuko bigarren Giza Liburutegia antolatu du

Pasa den urteko edizioak izandako arrakasta kontutan izanik, eta Liburuaren Nazioarteko eguna aitzaki hartuta, Urretxuko Aniztasun eta Bizikidetza Mahaiak Urretxuko bigarren Giza Liburutegia antolatu du apirilaren 25rako, arratsaldeko 17:00etatik 19:00etara, herriko Liburutegian.

Ekintza honetara gerturatzen direnek bertan egongo diren “pertsona-libururekin” 15 minutuz solasean aritzeko aukera izango dute. Hala, bertan entzungo dituzten istorio eta bizipen pertsonalen bitartez aurreiritziak gainditu eta beste errealitate batzuk ezagutzeko aukera izango dute.

Saio honetan, gertutik eta zuzenean, ezagutu eta landu ahal izango dira garai eta modu ezberdinetako migrazio prozesuak, ikusmenik gabeko bizitza, garai bateko bizimodua eta beste hainbat.

Jardueran parte hartu nahi dutenek edo informazio gehiago jaso nahi dutenek 693900568 telefonora deitu edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera idatz dezake.