EMAITZAK HEMEN

OINARRIAK

PARTAIDEAK: Nahi duten pertsona guztiek parte hartu ahal izango dute.

KATEGORIAK: haurrak (16 urte arte), eta helduak.

GAIA: mineralak eta fosilak, 2021eko azaroaren 5, 6 eta 7ko Urrelur astearen programazio barruan.

AURKEZPENA: azaroaren 10eko arratsaldeko 2ak arte.

OBRAK LEHIAKETARA AURKEZTEA: Pertsona bakoitzak gehienez 3 argazki aurkeztu ahal izango du. Lanak JPG formatuan bidaliko dira, Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera. Lanak bidaltzeko mezu elektronikoan, egilearen datuak adieraziko dira, hala nola izen-abizenak, adina, herria, telefono-zenbakia.

• Mezu elektronikoa jaso izanaren baieztapena bidaliko da, hura jaso dela frogatzearren.
• Argazkiak edita daitezke.
• Artxiboa BEREIZMEN TXIKIAN bidali beharko da
• Epaimahaiaren erabakia jakin ondoren, eta argazkiak inprimatzeko asmoarekin, artxibo digitala BEREIZMEN HANDIAN aurkezteko eskatuko die antolakuntzak irabazleei.

EPAIMAHAIA: argazkigintzan ospe handiko hiru pertsona izango dira.

EPAIMAHAIAREN IRIZPIDEAK: Argazki onena baloratuko da, eta egile berak ezingo du saria jaso behin baino gehiagotan.

ERABAKIA ETA SARI BANAKETA: Erabakia hartzeko saioa eta sari banaketa jendaurrean egingo dira. Erabakia hartzeko saioa 2021eko azaroaren 19an izango da, arratsaldeko 18:30ean, Urretxuko Kultur Etxean. Sari banaketaren ekitaldia, berriz, 2021eko azaroaren 26an, Urretxuko Udaletxean, arratsaldeko 19:00etan.

SARIAK: Honako sari hauek izango dira:

• Argazki onenari: 150 €
• Bigarren argazki onenari: 100 €
• Herriko argazki onenari: 90 €
• Gaztetxoen argazki onenari: 50 € eta mineral bat
• Gaztetxoen bigarren argazki onenari: 30 € eta mineral bat

Bide batez, aurkeztutako argazkiak 2021eko Urrelur asteko egitarauan erabili ahal izango dira.

Argazki lehiaketan parte hartzen duenak goitik behera onartzen ditu oinarri hauek. Oinarriotan jaso gabeko gorabehera oro antolatzaileek erabakiko dute. Sariren bat irabazitako lanak latzaileen esku geratuko dira. Lan guztien erabilera eta erreprodukzio eskubidea beretzat erreserbatuko dute antolatzaileek, lanen jatorria aipatuz beti ere.

ARGIBIDEREN BAT NAHI IZANEZ GERO, EDO INFORMAZIO ZABALAGOA, URRETXUKO KULTUR ETXEAREKIN JARRI BEHAR DA HARREMANETAN. Tel.: 943 03 80 88

Dokumentua:

URRELUR ARGAZKI LEHIAKETA OINARRIAK 2021.pdf Popular 513.68 KB 943

26/10/2021 14:30:30