Aurten ere Manuel Ruiz enologoa izango dugu 2019 urteko ardoen dastaketa komentatua egiten. Bertan aurtengo ferian partaide izango diren upategien ardoak dastatuko dira ekitaldi irekian.
Berriak
Azaroaren 22an Urrelur Mineralogía eta Paleontología asteko argazki lehiaketaren sariak banatu ziren eta aurkeztutako argazkien proiekzioa egin zen. Naturaren forma eta kolore erakustaldi bikaina.
"Egizu testu labur bat, egizu testu erakargarri bat. Azaldu labur erakusketa honen gaia, motibazioa. Izan argia. Zentzu guztietan. Ez egin, berriro, testu autoerreferentzial horietako bat; ezkutaketa ariketak baino ez dira. Komunikazioa gauzak argitzeko egiten da."
Urteroko moduan Urretxu eta Zumarragako udalek haurrentzako Gabonetako Lehiaketak antolatu dituzte. Lanak azaroaren 29a bitartean aurkeztu daitezke. Sari banaketa, abenduaren 20an izango da. Hona hemen informazio guztia.
Aurten ere, euriak euri, oso giro onean ospatu zen San Martin Jaia. Musika, dantza, jolasak, odolki dastaketa... Eta ospakizunen barruan, urteroko moduan, 2 urdaiazpikoen zozketa egin zen.
Hauek izan ziren zenbaki irabazleak: 444 eta 692. ZORIONAK!
Urriaren 20an abiatu zen aurtengo musika zikloa. 34 urte bete dira lehenengo edizioa egin zenetik eta urtez urte sendotzen joan da. Asko dira bertatik pasatako taldeak eta entzundako kontzertuak udazkeneko ezinbesteko bihurtu den zita honetan.
Urriaren 19an jakinarazi zen Urretxu eta Zumarragako udalek 2019an antolatu duten pintura lehiaketaren emaitza, Zumarragako Zelai Arizti kultur etxean egin zen emanaldian. Urriaren 19tik 27ra lehiaketara aurkeztutako lanen erakusketa bisitatu ahalko da Zelai Arizti kultur etxean, astelehenetik ostiralera 17:30 - 20:30 eta larunbat eta jaiegunetan 12:00-14:00 / 18:00- 20:30
Datorren Abuztuan 200 urte beteko dira Jose Mari Iparragirre Urretxun jaio zenetik; Gernikako Arbola edo Hara nun diran bezalako abesti historikoen idazle eta abeslaria jaio zenetik. Dena ondobidean, aurki abesti horiek berriro ere Iparragirreren guitarran entzuteko aukera izango dugu.
Urriaren 4tik 20ra "Transpintura" erakusketa izango dugu Juan de Lizarazu erakusketa aretoan, Gorka Larrañaga eta Cesar Rangelen eskutik.
Urriaren 4an banatu ziren 2019ko Santa Anastasi jaietako argazki lehiaketaren sariak, Urretxuko udaletxean egin zen ekitaldian. Sariak banatzeaz gain lehiaketara aurkeztutako irudien proiekzioa ere egin zen.
Urretxuko jaien balorazio bilera egingo da urriaren 15ean, 18:30, kultur etxean. Eragileak nahi herritar guztiok zaudete gonbidatuta.
Urretxuko festetako Gastronomi lehiaketan banatu eta erabili ziren "Iparragirre mantalek" arrakasta handia izan zuten parte hartzaileen artean, eta parterik hartu ez zutenei ere gustatu zitzaizkien. Hori dela eta, salgai jarri dira: 15 €-ko prezioan Urretxuko kultur etxean.
