Ondare artistikoa

Iparragirre (Beheko kale edo Kale Nagusia) eta Jauregi (Goiko kale) kaleen zatiak hartzen ditu. Lehenengoan azpimarratzekoak ditugu Faktorekoa, Bikariokoa eta Galdosenea eraikinak, XVI. mende erdialdeko merkatari aberatsen edo erregearen funtzionarioen jauretxe estiloa.

Jauregi kalean ikus daiteke ondoen etxeen antolamendu zaharra. Hortxe bertan kokatuta dago Aizpurunea kultur etxea, XVIII. mende amaierakoa, eta bertan dago Urrelur mineral eta fosilen museoa*.

Herrigunetik kanpo, Irimo mendi-magalean landa-jauregi bat dago, Ipeñarrietarren etxe-jauregia, hain zuzen ere. Cristobal de Ipeñarrieta jaunak eraikitzeko agindu zuen 1605ean, familiaren baserri zaharraren eta xumearen aldamenean.