Zergatik da garrantzitsua hondakinak murriztea? Gure eguneroko bizitzan hondakin gehiegi sortzen dugu. Ekoizpen eta kontsumo ez-jasangarrien ondorio dira eta hauek murriztea funtsezkoa da baliabide naturalak zaintzeko eta kutsadura gutxitzeko. Hondakinen prebentziorako lehen pausoa, beraz, hondakinik ez sortzea da!
Natura zaindu behar dugu. Guk zaintzen badugu, berak zainduko gaitu. Partekatu al duzu dagoeneko zure ohitura jasangarria?
Hasi da Urola Garaian, eta Europa guztian, Hondakinen Prebentzioaren Astea. Ikusi bideoa eta parte hartu!
AZAROAREN 21etik 29ra, UROLA GARAIAN ETA EUROPA OSOAN, HONDAKINEN PREBENTZIORAKO ASTEA OSPATUKO DA.
Urola Garaia Garapen Jasangarria mahaiak bideratuko du, eskualdean, azaroaren 21etik 29ra gauzatuko den ekimena.
Urretxu eta Zumarragako Udalok Urola ibaia garbitu berri dugu hiri eremuan, Ertzaintzatik hasi eta San Martin zubiraino, hain zuzen ere. Aurten “Erreka Eguna” ospatzeko aukerarik izan ez dugunez, garbiketa-lan horiek egiteko Eulen S.A. enpresa kontratatu da, eta 5 egun behar izan ditu zati hori garbitzeko.
Datorren astetik aurrera Auzobusa zerbitzua Aparizio auzoraino iritxiko da eta horrenbestez, ordutegiak egokituko dira. Hain zuzen ere, azaroaren 2tik aurrera ibilbideak eta ordutegiak honako hauek izango dira:
Aurten, bizi dugun egoera berezia dela eta, ezin izan dugu erreka eguna ospatu eta Urola Ibaiko hondakinak jasotzeko enpresa bat kontratatu dugu Urretxu eta Zumarragako Udalok. Hilabete honetan, hiru egunetan zehar ibaiko hondakinak jaso eta Garbigunera eramango dituzte. Era berean, burdinsareak jarri ditugu herriko zubietako heldulekuetan, kaleetako zaborra ibaira erortzea ekiditeko.
Aste honetan hasi dira Udazkeneko kanpainako lanak eta hiru egunetan zehar Udalerri osoaren kontrola egingo da. Horretarako udaberrian identifikatutako kokapenak eta orain arte jasotako abisuen guneak errepasatuko dira. Gunean bertan infestazio maila nolakoa den aztertu eta dagokion tratamendua egingo zaio.
Abuztuan zehar Auzobusa zerbitzua mantenduko da astelehenetik ostiralera 13:10etan eta 20:00 eta 12:20etan larunbatetan. Zerbitzua 8 plaza dituen taxi egokitu baten bitartez emango da.
