Eusko Jaurlaritzak eta Gizarte Segurantzak familiei ematen dizkieten laguntzak seme edo alaba baten jaiotzak dakartzan gastuei aurre egiteko, baita haur bat adoptatzeko edo famili unitatean hartzeko ere ematen diren laguntzak.
Eusko Jaurlaritzak emandakoa
Seme edo alaba izaten duen familiari emango dio laguntza hau Eusko Jaurlaritzak. Seme edo alaba adoptatu, adoptatu aurretik familian hartu, eta familia unitatean mantentzen diren kasuetan ere emango da laguntza.
Baldintzak
- Seme edo alaba bat edo gehiago izatea
- Familia unitate bateko aita edo ama izatea. Gurasoetako batek gutxienez urtebetean EAEn erroldatuta egon behar du.
Diru-laguntzaren kopurua
- Lehen seme-alabagatik emango den laguntza familiaren diru sarreraren araberakoa izango da, 400 eta 900 euro artean. Ordainketa bakarra izango da.
Bigarren seme-alabatik aurrera kopurua berdina izango da guztientzat: 1.100 euro aurreneko urtean eta 400 bigarrengoan. - Hirugarren seme-alabatik aurrera 1.100 euroko bost ordainketa egingo dira, eta 400 euroko bi.
- Erditze bikoitza edo gehiagokoa denean, eta nazioarteko adopzio kasuetan: batetik, ordainketa bat egingo zaie, diru sarreren arabera, 2.000 eta 4.000 euro artekoa. Eta horrez gain, lehen, bigarren, hirugarren edo gehiagoko seme-alabak izateagatik dagozkien diru-laguntzak ere jasoko dituzte (goiko hiru puntuetan aipatzen direnak, kasuaren arabera).
Gizarte Segurantzak emandakoa
Seme edo alaba izaten duen familiari emango dio laguntza hau Gizarte Segurantzak. Seme edo alaba adoptatu, adoptatu aurretik familian hartu, eta familia unitatean mantentzen diren kasuetan ere emango da laguntza.
Baldintzak
- Seme-alaba bat edo gehiago izatea.
- Eskaera amak egin beharko du eta gutxienez bi urtez espainiar Estatuan bizitakoa izan beharko du.
Laguntzaren zenbatekoa
- Odainketa bat egingo da, 2.500 eurokoa.
Informazioa
Eskerak Udaleko gizarte zerbitzuetan egin behar dira: Hitzordu eskaera